Table of Contents

اصول طب

پیش لفظ

نحمده و نصلی علی رسولہ الکریم

اصول طب یعنی طب کے بنیادی اصولوں کا علم نہ صرف طب یونانی کو سمجھنے کے لیے ضروری ہے بلکہ دیگر طب کے وجود کو سمجھنے کے لیے بھی ضروری ہے۔ یہ تمام اصول اس وقت وجود میں آئے جب تمام دنیا علاج و معالجہ سے قاصر تھی۔ دور حاضر میں جس وقت جدید طب کے ماہرین مہلک امراض کا علاج نہ ملنے اور اینٹی بایوٹک ادویہ کے ریزیسٹینٹ ہونے کی وجہ سے قدیم طب کے اندر دلچپسی دکھا رہے ہیں اس وقت خود یونانی طب سے منسلک حضرات اس طب سے دور ہوتے نظر آرہے ہیں یہاں تک کہ طب کے بنیادی اصول کی کتابوں کو سمجھنا تو دور پڑھنا بھی مشکل ہوتا جا رہا ہے۔ اسکا سبب جہاں تک مجھے خود محسوس ہو اوہ یہ ہے کہ انٹر میڈیٹ کے بعد طلباء جب کامل طب وجراحت کی پڑھائی کے لیے داخلہ لیتے ہیں تو یہاں ایک الگ ہی دنیا نظر آتی ہے اور جواب تک اصول وضوابط پڑھ کر آئے تھے اس سے ہٹ کر سب کچھ ملتا ہے اور ان تمام پریشانی میں اضافہ اردو سے ہو جاتا ہے کیونکہ دور حاضر میں زیادہ تر طلباء اردو کا بنیادی علم ہی رکھتے ہیں ، اس لیے طب کی کتابوں کو سمجھنا مشکل ہو جاتا ہے اور ایک دو سال تو صرف اردو سیکھنے میں ہی نکل جاتے ہیں اسلئے طلبہ صرف انگلش سبجیکٹ کی طرف ہی دھیان دیتے ہیں۔

اس لیے اس چھوٹی سی کاوش میں طب کے بنیادی اصولوں پر flow chart کے ذریعہ سے اختصار اور جامعیت کے ساتھ روشنی ڈالنے کی کوشش کی گئی ہے اور اطباء کے اہم اقوال کو بھی ساتھ ساتھ بیان کیا گیا ہے تاکہ کم وقت میں زیادہ علم حاصل ہو سکے۔ مستقبل میں اس کے اندر مقابلہ جاتی امتحانات کے سوالات و جوابات کو بھی شمار کیا جانگا تا کہ یہ کاوش مقابلہ جاتی امتحانات کے لیے خاص طور سے کار آمد ر ہے۔ اس ادنی سی کاوش کو 2016 میں لکھا گیا تھا اب اسمیں revision کر کے Google books پر اپلوڈ کیا جارہا ہے ، یادر ہے کہ یہ کاوش پہلے کی طرح اب بھی free میں دستیاب ہو گی اور ضرورت مند احباب اسکو گوگل بک سے مفت میں پڑھ سکتے ہیں اور pdf بھی download کر سکتے ہیں۔

میری تمام احباب سے ایک پر خلوص گزارش ہے کہ اگر اس کاوش میں کوئی غلطی نظر آئے تو اسکی نشاند یہی کر کے مجھے email کے ذریعہ مطلع کر دیں تا کہ اسکی تصحیح کی جاسکے۔

ڈاکٹر ناظم حسین

سنٹرل ریسرچ انسٹیٹیوٹ آف یونانی میڈسن حیدرآباد

اکتوبر ۲۰۱۹