Table of Contents

تذکرہ مولانا اعجاز احمد اعظمی

تذکرہ مولانا اعجاز احمد اعظمی تالیف: مفتی اختر امام عادل قاسمی

عرض مؤلف

حضرت مولانا اعجاز احمد اعظمی

الحمد الله رب العالمين والصلوة والسلام على نبينا سيد المرسلين ! اما بعد

حضرت الاستاذ خاتم المدرسین، زبدة المحققین مولانا اعجاز احمد اعظمی کی وفات کے بعد میں نے ایک مفصل تاثراتی تحریر لکھی تھی جس میں حضرت مولانا کے امتیازات و کمالات اور طریقہ تعلیم و تربیت پر روشنی ڈالی گئی تھی، وہ تحریر بعد میں ” ملنے کے نہیں نایاب ہیں ہم۔۔۔ ” کے نام سے کتابی صورت میں شائع ہوئی، لیکن اس مضمون میں حضرت کے علمی حصہ پر زیادہ گفتگو نہیں آسکی تھی، مجھے اس کا احساس تھا، اور ارادہ تھا کہ حضرت کے علمی حصہ پر بھی میں لکھوں گا، حسن اتفاق ایک خاص مناسبت سے مجھے حضرت کے علمی حصہ پر لکھنے کی توفیق میسر آئی ، چنانچہ اس کتاب میں اس مضمون کو بھی شامل کر دیا گیا ہے، نیز پچھلے حصہ میں کچھ حک و فک بھی کیا گیا ہے ، اس طرح حضرت مولانا کی زندگی پر ایک اچھی علمی اور دستاویزی چیز تیار ہو گئی ہے، امید ہے کہ اس نئے مجموعہ کو بھی قبولیت حاصل ہو گی ، اور حضرت مولانا کی شخصیت پر کام کرنے والوں کے لئے یہ کتاب مشعل راہ ثابت ہو گی ان شاء اللہ ۔ اختر امام عادل قاسمی

۲۶ / جمادی الاولی ۱۴۳۵ھ مطابق ۱۱ / دسمبر ۲۰۲۳ء