تفسیر روح القرآن مع جلالین اردو

eislamicbook

6 months ago

Table of Contents

Toggle

تفسیر روح القرآن مع جلالین اردو

روح القرآن
از : حضرت مولانا مفتی فضیل الرحمن ہلال عثمانی جامعہ دار السلام مالیر کوٹلہ

تفسير جلالين اردو
ترجمہ : فقیہ اعظم حضرت مولانا مفتی عزیز الرحمن عثمانی مفتی اول دارالعلوم دیوبند

الحمد لله ، اردو زبان کا دامن قرآن مجید کے مختلف ترجموں اور مختلف قسم کی تفسیروں سے خالی نہیں ہے۔ لفظی ترجمے بھی ہیں ، بامحاورہ بھی اور ترجمانی کے طرز میں بھی مفصل اور علمی انداز کی تفسیریں بھی اور مختصر تفسیریں بھی۔ اور یہ سب اپنی اپنی جگہ اہم اور قابلِ قدر خدمات ہیں ۔ قرآن مجید کا ایک عام قاری اور اللہ کی اس عظیم کتاب کا مطالعہ کرنے والا یہ چاہتا ہے کہ وقت کی زبان اور اسلوب میں انٹر کی اس کتاب کے پیغام اور دعوت کو سمجھ سکے ، اُسے یہ معلوم ہو کہ اللہ کی کتاب اس سے کیا خطاب کر رہی ہے، کیا مطالبہ کر رہی ہے اور کیا چاہتی ہے۔ وقت کے ساتھ افہام وتفہیم کا انداز، اسلوب وتعبیرات اور ماحول کا بدل جانا بالکل فطری باتے تغیر رمع القرآن شاید وقت کی اس ضرورت کو پورا کر سکے۔ قرآن مجید میں رنگ خطابت ہے ، بے پناہ اثر انگیزی اور دل کو نرمانے اور گرمانے کی طاقت ہے ، قرآن مجید بیک وقت دل اور دماغ دونوں کو سامنے رکھتا ہے مضبوط ومستحکم دلیلیں جو دماغ کو مسخر کرلیتی ہیں اور نصیحت و دردمندی جو دلوں کو چھیڑتی چلی جاتی ہے۔ آپ محسوس کریں گے کہ تفسیر روح القرآن کی تشریحات قرآن حکیم کی روح کو اپنے جلو میں لئے ہوئے ہیں ، تشریحات و توضیحات مختصر مگر جامع ہیں یا کہئے کہ دریا بکوزہ ہیں۔

ہر لفظ کا الگ الگ اور پھر سلیس ترجمہ جناب حافظ نذر احمد صاحب کا ہے ، یہ ترجمہ علماء کی نظر میں معتبر اور مستند ہے۔ ہر لفظ کے الگ الگ معنی عربی نہ جانے والوں کے لئے بہت مفید اور کار آمد ہیں مسلسل ترجمے میں ان کو ی معلوم نہیں ہوتا کہ کس لفظ کے کیا معنی ہیں الگ الگ ہر لفظ کے معنی معلوم ہونے کے بعد سلسل اور با محاورہ ترجمہ اچھی طرح سمجھ میں آجاتا ہے ۔

الگ الگ اور مسلسل ترجمے کے بعد صفحہ کے ایک طرف عربی کی تفسیر جلالین مع اعراب ہے۔ اس کے سامنے

اس کا اردو ترجمہ ہے۔ جلالین کا یہ اردو ترجمہ اپنے وقت کے زبر دست عالم دین و فقیہ اور عظیم مفتی حضرت مولانا مفتی عزیز الرحمن عثمانی علیہ الرحمہ کا ہے جو کہ دارالعلوم دیوبند کے رہے پہلے مفتی تھے، آج بھی اُن کے فتاوی کا مجموعہ فتاوی دارالعلوم دیوبند ان کے علم و تفقہ اور دینی بصیرت کی منہ بولتی نشانی ہے۔ وہ فقیہ بھی تھے اور عارف باللہ بھی۔ انکے ترجمے کی اشاعت ہماری سعادت ہے ۔ اللہ کے فضل سے امید ہے کہ مؤلف اور تاثیر کی یہ خدمت رب العزت کی بارگاہ میں قبولیت حاصل کرے گی اور اللہ کے بندوں کو اس سے فائدہ پہنچے گا۔ انشاء الله

مورخه ۱۲ رمضان المبارک ۱۳۲۵ هجری اکتوبر ۲۰۰۴ عیسوی

ناشر

Tafsir Rooh ul Quran maa Jalalain Urdu

جلد 1: پارہ ۱ تا ۵
جلد 2: پارہ ۶ تا ۱۰
جلد 3: پارہ ۱۱ تا ۱۵
جلد 4: پارہ ۱۶ تا ۲۰
جلد 5: پارہ ۲۱ تا ۲۵
جلد 6: پارہ ۲۶ تا ۲۹
جلد 7: پارہ ۳۰