خواتین کو درپیش مسائل اور ان کا حل سیرت طیبہ کی روشنی میں
بسم الله الرحمن الرحيم
سیرت چیئر کے بنیادی مقاصد میں سے ایک مقصد یہ ہے کہ معاشرہ میں افہام و تفہیم و مکالمہ کی فضا کو پروان چڑھا کے وہ سلگتے مسائل جو سوسائٹی کے لیے شکست وریخت کا سبب بنے ہوئے ہیں، من پسند تو جیہات کے ذریعے احکام اسلامی سے انحراف اور روح اسلام سے رو گردانی کا عمل جاری ہے۔ ان مسائل پر سیمینارز اور مکالمے کا سلسلہ شروع کیا جائے تاکہ احکام کی حقیقت واضح ہو کر سامنے آسکے۔ چنانچہ اس سلسلے کا پہلا پرو گرام خواتین کو در پیش عصری مسائل سے متعلق تھا۔ جس کے لیے ہم نے ملک عزیز کے انتہائی جہاندیدہ، قدیم وجدید علوم اور معروضی حالات پر گہری نظر رکھنے والے تبحر عالم جناب علامہ زاہد الراشدی صاحب (صدر مدرس و ناظم تعلیمات جامعه نصرة العلوم گوجرانوالہ) سے درخواست کی کہ وہ اس موضوع پر اپنے افکار عالیہ سے مستفیض فرمائیں۔ سوالات کے لیے دیگر اہل علم کے علاوہ معروف کالم نگار اور گہری دینی فکر سے مزین جناب خورشید احمد ندیم صاحب، علوم اسلامیہ کے استاذ گرامی جناب ڈاکٹر ظفر اللہ بیگ صاحب ودیگر اہل علم موجود تھے۔ یہ مکالمے کا آغاز ہے۔ پیش نظر موضوع سے متعلق نہ ہی یہ حتمی رائے ہے اور نہ ہی اسے کوئی فتوی کی حیثیت حاصل ہے۔ سوچ و بچار کی راہیں کھولنے کا آغاز ہے۔ امید ہے کہ ان فکری مباحث کے مثبت نتائج بر آمد ہوں
پروفیسر ڈاکٹر صاحبزادہ ساجد الرحمان
