ملفوظات حکیم الامت

Urdu Book Download

13 years ago

Table of Contents

Toggle

ملفوظات حکیم الامت

عرض ناشر

الحمد لله وسلام على عباده الذين اصطفى

ملفوظات اولیاء اللہ کے اس دلنشیں کلام کو کہا جاتا ہے جو وہ امت مسلمہ کے سامنے اپنے گہرے مشاہدات و تجربات اور علوم و معارف لدنیہ کی روشنی میں پیش کرتے ہیں اور جن کے جمع کرنے کا اہتمام ہمیشہ سے ہوتا چلا آ رہا ہے ، نبی آخر الزمان احمد مصطفی محمدمجتبی اے کی لسانی گہر بار ہے جو موتی نکلے، صحابہ کرام کی شان عشق نے بڑے اہتمام کے ساتھ اسے ضبط فرمایا اور پوری امانت ؟ دیانت کے ساتھ آنیوالی نسلوں کے سپرد کیا ان موتیوں کا نام اصطلاح شرع میں ” حدیث ہے جو قرآن حکیم کی علمی اور عملی تشریح بھی ہیں اور اسلامی اصولوں میں سے قرآن حکیم کے بعد دوسری بڑی بنیاد بھی ، یعنی وہ بڑی بنیاد جس پر اسلام کی عمارت قائم ہے۔ رسول اللہ صلى الله عليه وسلم کے بعد صحابہ کرام ، تابعین، تبع تابعین، فقہائے کرام اور اولیاء اللہ نسل بعد نسل اسلام کی دعوت کو نئے نئے اسلوب کے ذریعہ لوگوں تک پہنچاتے رہے ان کی پر اثر باتوں سے بالوں کا زنگ ڈھلتا رہا اعمال شرعیہ اور رسوم و رواج کے درمیان تمیز قائم ہوتی رہی اور حق کی وضاحت کا عمل مسلسل جاری رہا اولیاء اللہ ک مختصر مگر دلنشیں باتیں لوگوں میں حیران کن انقلاب بر پا کرتی ہیں اور ان کی بدولت مسلمانوں کی تعلیم وتربیت اور ان کے تزکیہ نفوس میں بہت گہرے اور دور رس نتائج اور اثرات مرتب ہوئے اور یہ انہیں صاحب دل صاحب علم و عمل، بوریا نشین ، درویشان خدا مست کی باتوں کا اثر ہے کہ مرور زمانہ کے باوجود دین کی علمی اور عملی شکل بالکل نکھری ہوئی ہے اور آج بھی اخلاص کے ساتھ عمل کر نیو الے کیلئے دین حق پوری طرح واضح ہے اولیاء اللہ کی انہیں دلنشیں باتوں کا دوسرا نام ” ملفوظات” ہے۔ ملفوظات کے اس طویل سلسلہ میں سب سے اہم الافاضات الیومیہ کا سلسلہ ہے جو اس وقیت آپ کے سامنے ہے یہ کتاب ایک بارتھانہ بھون اور دوسری بار کراچی میں طبع ہوئی مگر اب عرصہ سے ناپید تھی اور شائقین دلچسپی سے اس کے منتظر تھے اللہ تعالیٰ کا ہزار ہزار شکر ہے کہ اس نے ادارہ تالیفات اشرفیہ ملتان کو اس کی طباعت کی توفیق عطا فرمائی اور اب یہ کتاب آپ کے سامنے ہے سابقہ اشاعتوں اور ملفوظات پر عنوان موجود نہ تھے ، اس مرتبہ عنوانات کا اضافہ کر دیا گیا ہے تا کہ قاری کو سہولت ہو جائے ، اس کی ابتدائی تین جلدوں پر عنوانات محسن و مشفق دوست مولا نا محمود اشرف صاحب عثمانی مدظلہ العالی نے لگائے ہیں جبکہ باقی ۲ جلدوں پر ہمارے محترم بزرگ جناب محمد اقبال قریشی صاحب مدظلہ العالی ( ہارون آباد ) نے عنوانات

تحریر فرمائے ہیں، اللہ تعالی ان دونوں حضرات کو جزائے خیر عطا فرمائے ، آمین۔

قارئین سے درخواست ہے کہ تاثیر کیلئے بھی دعاء فرما ئیں کہ یہ سلسلہ مکمل ہو جائے اس وقت تک الحمد للہ پچیس جلدیں شائع ہو چکی نہیں باقی سات جلد میں زیر طبع ہیں اس طرح ان شاء اللہ یہ سیٹ بتیں جلدوں میں مکمل ہوگا۔ واخر دعوانا ان الحمد للہ رب العالمین،

فقط محمد الحق عفی عنہ

اظہار مسرت و تحسین

از حضرت اقدس مرشد و مربی مولانا الحاج محمد شریف صاحب رحمہ اللہ خلیفه ارشد حکیم الامت مجدد الملت حضرت مولانا شاہ محمد اشرف علی تھانوی قدس سره )

بسم الله الرحمن الرحيم

مجھے دلی خوشی ہے کہ عزیز القدر حافظ محمد الحق صاحب مجدد الملت حکیم الامت حضرت تھانوی رحمتہ اللہ علیہ کی تالیفات شائع کرنے کے حریص ہیں انہیں حضرت سے صرف محبت ہی نہیں محبت کا نشہ ہے، حضرت کے مسلک اور مذاق کی تبلیغ کے بہت خواہشمند ہیں اور زر کثیر صرف کر کے حضرت کی کتابیں جو نایاب ہیں چھپواتے رہتے ہیں۔

اللہ تعالیٰ ان کی سعی کو قبول فرما کر ناظرین کیلئے نافعیت اور ہدایت اور ان کے لئے سرمایہ آخرت بنا دیں ، دعاء گو!

احقر محمد شریف عفی عنہ