دو شیخ
مفتی اعظم مفتی محمد شفیع
عارف بااللہ ڈاکٹر عبدالحی عارفی
عرض مؤلف
بسم الله الرحمن الرحيم الحمد لله وكفى وسلام على عباده الذين اصطفی
أما بعد! ۔ اللہ جل شانہ کا بے پایاں کرم اور بڑا ہی فضل واحسان ہے کہ اس نے اس نالائق کو سیدی و سندی مفتی اعظم پاکستان حضرت مولانا مفتی محمد شفیع صاحب قدس سرہ کی خدمت میں رہنے کا موقع عطا فرمایا ، حضرت کے علوم و فیوض سے استفادہ کی توفیق بخشی ۔ بندہ پر تو نہیں کہہ سکتا کہ جس طرح ان سے فائدہ اٹھانا چاہئے تھا، اس طرح فائدہ اٹھایا لیکن ان کو دیکھنے، ان کی باتیں سنتے نصیحت فرمانے اور اصلاح و تربیت فرمانے کو دیکھا اور علم ہوا کہ متقی، پرہیز گار، عالم ربانی اور اللہ تعالی کے ولی کیسے ہوتے ہیں؟ اللہ تعالی حضرت والا کے درجات بلند فرمائیں اور ان کی خدمات عالیہ کا بہتر سے بہتر بدلہ عطا فرمائیں۔ آمین
حضرت والا کی وفات پر البلاغ کے مفتی اعظم نمبر کے لئے ایک مضمون ناچیز نے لکھا تھا ، مناسب معلوم ہوا کہ اس کو الگ سے شائع کیا جائے تا کہ عام لوگ بھی حضرت والا کی باتوں سے فائدہ اٹھائیں ، نیز ابلاغ کے مفتی اعظم نمبر کے لئے احقر کے والد ماجد حضرت مولانا مفتی عبد اکیم صاحب نے بھی ایک جاندار مضمون دوی حضرت مفتی اعظم پاکستان لکھا تھا وہ بھی نافع اور مفید ہے وہ بھی اس کے ساتھ شائع ہورہا ہے۔
حضرت والا رحمۃ اللہ علیہ کے بعد نا چیز کو سیدی حضرت ڈاکٹر محمد عبدائی عارفی قدس سرہ کی خدمت میں حاضری کا موقعہ ملا اور حضرت کی مجالس سے بھی بہت فائدہ ہوا، حضرت کے وصال کے بعد البلاغ کے خصوصی عارفی نمبر کے لئے بھی ایک مضمون لکھنے کا موقعہ ملا تھا، اس میں حضرت عارفی قدس سرہ کی عارفانه اور حکیمانہ باتیں جمع کی ہیں ۔ جو اکثر حضرت کی زبانی سنیں تھیں، عام لوگوں کے نفع کے لئے وہ مضمون بھی شائع کیا جارہا ہے۔
حضرت والد صاحب نے بھی حضرت عار کے ارشادات جمع فرمائے تھے، وہ بھی شامل کئے جارہے ہیں، اللہ تعالی ان چاروں مضامین کو قبول فرمائیں اور مسلمانوں کے لئے نافع اور مفید بنائیں ۔ آمین
بنده عبدالروف سکھروی
2 Shaykh
By Shaykh Mufti Abdur Rauf Sakharvi
Read Online
Download
Version 1 [58]
